TALOSAGA MO LE POLOAIGA E PUIPUIA MAI SAUAGA I AIGA (PETITION FOR A CIVIL PROTECTION ORDER--“CPO”)
Information
-
TALOSAGA MO LE POLOAIGA E PUIPUIA MAI SAUAGA I AIGA (PETITION FOR A CIVIL PROTECTION ORDER--“CPO”)
E mafai e se tagata ua sauaina i totonu o le Aiga ona fa’auluina i le Faamasinoga lenei Talosaga e fa’asaga i le na fa’atinoina le sauaga. O lo’o iai pepa Talosaga mo lea mataupu e maua i le Fale o Fa’amasinoga i Fagatogo e mafai ona fa’atumu e le tagata ua sauaina ma fa’auluina i le Fa’amasinoga e le tagata ua sauaina e aunoa ma le fesoasoani a se Loia. Afai e laititi le tupe maua a le tagata ua sauaina ae o lo’o ia fia maua se fesoasoani mai se Loia e fa’auluina ai le Talosaga mo le Poloaiga e Puipuia mai Sauaga i Aiga, e mafai ona ia o’o mai i le Ofisa o Fesoasoani Fa’aletulafono i Amerika Samoa (ASLA) e maua ai se fesoasoani mai se Loia o lenei Ofisa e fa’atumu lea Talosaga. Ona e iai iloiloga e faia i luma o le Fa’amasinoga mo lenei mataupu, e mafai e le tagata ua sauaina ona tulai o ia mo ia lava i taimi o iloiloga. Ae afai e laititi le tupe maua a le tagata ua sauaina, e mafai e ia ona maua le fesoasoani a se Loia o lenei Ofisa e tulai mo ia i taimi o iloiloga a le Fa’amasinoga ma isi taualumaga o lana mataupu. O nisi ia o fa’amatalaga e fia maua mo le Talosaga mo le Poloaiga e Puipuia mai Sauaga i Aiga: Igoa atoa o le tagata na faatinoina le sauaga (Itu Tetee) ma lana tuatusi, numera saogalemu, aso fanau, ioega o le tagata ua sauaina (Itu Tagi) o se tagata e i totonu o le Aiga o le Itu Tetee pe nonofo fa’atasi i le fale e tasi le Itu Tagi ma le Itu Tetee, so’otaga o le Itu Tetee ma le Itu Tagi, po’o ai o totino o le Aiga po’o e nonofo i le fale o lo’o fia maua le Poloaiga o le Puipuia mai Sauaga: igoa atoa, tausaga/aso fanau, so’otaga ma le Itu Tagi ma le Itu Tetee, nofo i fea; fa’amatala auiliili sauaga na fa’atino e le Itu Tetee, fia manino po’o le a tonu mataupu e aofia i le Poloaiga e Puipuia: fa’asa le toe sauaina o le Itu Tagi ma isi amioga, fa’asa ona toe nofo pe toe ulufale le Itu Tetee i le fale o le Aiga, vaevae ia mea totino a le Aiga ma fa’asa le Itu Tetee ona fa’aaoga, fa’aleaga pe ave ese mai le fale ia mea totino, fa’atulaga aia o matua i fanau, fa’atulaga le aia o matua e asiasi ai fanau, poloaiina le Itu Tetee e totogi tupe e tausi ai le Itu Tagi po’o le fanau, poloaiina le Itu Tetee e aoga i polokalame e tetee ai le ita, fasi ava, fasi fanau ma fualaau fa’asaina. fa’asa le Itu Tetee ona feso’otai ma le Itu Tagi ma fanau po’o aiaiga i tulaga o le feso’otaiga, poloaiina le fa’aoga e le Itu Tagi le ta’avale, ma isi poloaiga e tatau. E fa’atauto le Itu Tagi i lana Talosaga mo le Poloaiga e Puipuia mai Sauaga i Aiga.
-
ILOILOGA A LE ITU TAGI MO LE POLOAIGA E PUIPUIA MAI SAUAGA I AIGA (EX-PARTE HEARING)
E na’o le Itu Tagi (ma lana Loia pe a finagalo iai le Itu Tagi) e auai i le iloiloga a le Fa’amasinoga ina ia maua ai le Poloaiga le Tumau e Puipuia Mai Sauaga i Aiga.
-
ILOILOGA A ITU E LUA MO LE POLOAIGA E PUIPUIA MAI SAUAGA I AIGA (FULL HEARING)
E auai ia le Itu Tagi (ma lana Loia pe finagalo iai le Itu Tagi) ma le Itu Tetee. E molimau ai i lalo o se tautoga Itu ma latou molimau.